اوفى جمهور فى العالم
    منذ 5 شهر
    2
    مشاركة
    0
    تعليق
    2268
    مشاهدة

    مش قصة كام بطوله ده عشق من الطفوله 
    احنا بنشجع الزمالك عشان يكسب مش عشان بيكسب 
    احنا اوفى جمهور فى العالم 
    ده الكلام اللى الزملكاويه بيقولوه عن نفسهم وبيفتخروا بيه قدام جماهير الانديه التانيه وكأنهم الجمهور الوحيد اللى بيشجع فرقته فى السراء والضراء 
    طب هل الكلام ده صحيح؟  هل الزملكاويه فعلا بيشجعوا فرقتهم فى السراء والضراء والبطولات مش فارقه معاهم؟  هجاوب ع السؤالين دول بمواقف زملكاويه بتأكد ان كل كلامهم عن الوفاء والانتماء عباره عن شعارات فارغه 
    بداية من عام 2005 حتى عام 2010 مدرجات التالته يمين  كانت تقريبا فاضيه فى معظم مباريات الزمالك بسبب سوء نتايج الزمالك وقتها اوفى جمهور فى العالم مكنش بيحضر الماتشات لأنه عارف ان فرقته هتخسر بسبب ضعف مستواها وقتها،، حتى فى معظم ماتشات الاهلى والزمالك الاقبال كان ضعيف من جماهير التالته يمين وده يوضحلكم قد ايه ده جمهور وفى وعاشق لكرة القدم
    فى اخر جوله من دورى " سيد عبد النعيم " كان فيه مبارتين بيتلعبوا فى نفس الوقت 
    المباراة الاولى بين الاهلى وانبى والمباراة التانيه بين الزمالك والاسماعيلى فوز الاهلى يحسم الدورى  لصالحه،، كل التوقعات كانت فى صالح الاهلى ومحدش كان متوقع ان انبى يحقق المفاجأة ويفوز ع الاهلى ويهدي الدورى للزمالك 
    ولأن التوقعات كلها كانت فى صالح الاهلى جمهور الزمالك محضرش مباراة فريقه مع الاسماعيلى والمدرجات كانت فارغه تماماً وكأن المباراة بتتلعب بدون جمهور بقرار من اتحاد الكوره 
    وبعد نهاية المباراتين لاعيبة الزمالك ملقتش جمهور تحتفل معاه ببطولة الدورى لأن اوفى جمهور فى العالم محضرش الماتش 
    واعتقد أن ده دليل كافى على أن كلامهم عن الوفاء والانتماء عباره عن شعارات فارغه لا تمت لواقعهم بصله 

    كلمات بحثية :
    انت كمان ممكن تبقى كاتب على موقع راية و صفارة وتعبر عن رأيك وتحصد النقاط سجل الان
    معلومات شخصية