البغبغان الزملكاوى
    منذ 11 شهر
    2
    مشاركة
    0
    تعليق
    3598
    مشاهدة

    معنى كلمة "لماليم"
    من 2005 ابتدت الكلمه دى تنتشر على لسان الزمالكاويه 
    وقتها الاهلى كان مسيطر محلياً وافريقيا
    ساعتها لما كنت بتتكلم مع زملكاوى فى الكوره كان بيقول : هو انت فاكر ان الاهلى هو اللى بيكسب البطولات دى؟ لأ ده الاهلى "بيلم" اللاعيبه السوبر من الانديه التانيه و ياخد بيهم البطولات لكن مبيكسبش البطولات دى بأبناء النادى 
    دى كانت حجة الزملكاويه زمان ومع الوقت واستمرار تفوق الاهلى الكاسح لسنوات طويله ظهر مرض الحظ والتحكيم اللى هو عندهم دلوقتي
    نرجع تانى لموضوعنا كلمة لماليم معناها ان الاهلى بيلم لاعيبة الانديه الاخرى وبيلم بيها بطولات وأنه مبيعتمدش على أبناء النادى 
    في موسم 2015 الزمالك عمل 18 صفقه وبفضل الصفقات دي فاز بالدورى والكاس وقدم موسم قوى ف الكونفدراليه يعني الزمالك عشان يرجع لمنصات التتويج معتمدش على ابناء النادى ودعم فرقته ب18 صفقه من الانديه الاخرى  ،،  ولأن الاهلاويه عقليتهم تختلف كثيراً عن عقلية الزمالك بعد موسم 2015  الاهلاويه مقالوش على الزمالك لماليم 
    لأنهم عارفين ان ده اسمه احتراف وكل اندية العالم بتشترى صفقات قويه عشان تقدر تنافس وتاخد بطولات
    يعنى ريال مدريد لماليم وبرشلونه لماليم والبايرن والارسنال وليفربول ومانشستر لماليم وكل أندية العالم لماليم
    بأختصار شديد مضمون كلمة "لماليم" معناها الكروى " احتراف " وعمرها ما كانت شتيمه 
    بس البغبغان الزملكاوى بيرددها وهو مش فاهم معناها وفاكر أنه بكده بيشتم الاهلاويه 
    مع أنه لو فكر شويه فى الكلمه قبل ما يقولها مش هيقولها بس المعروف عن البغبغان انه بيسمع الكلام وبيردده من غير ما يفكر فيه​

    كلمات بحثية :
    انت كمان ممكن تبقى كاتب على موقع راية و صفارة وتعبر عن رأيك وتحصد النقاط سجل الان
    معلومات شخصية